Vektlyfting

Leygardagin skipaði Styrkifelag Føroya fyri jólakapping í vektlyfting. Kappast varð í olympiskari lyfting, har lyft verður í trekk (snatch) og í vend og stoyt (clean and jerk). Hvør luttakari hevur trý lyft í hvørjari kappingargrein.

Íðkararnir vóru flokkaðir í vektbólkar. Har afturat vórðu lyftini eisini umroknaði eftir sonevnda Sinclair-háttinum, har atlit verða tikin til vekt og aldur hjá tí, ið lyftir.

Hjá kvinnum var bert tann eini luttakarin hesaferð. Erna Krett Hansen megnaði tó at seta persónligt met í báðum greinunum.

Hjá monnum vóru fimm lyftarar. Samanlagt lyfti Pól Hendrikur Andreasen mest. Men, tá lyftini vórðu umroknaði eftir Sinclair-háttinum, so hevði Niels Áki Mørk flestu stigini. Nummar tvey gjørdist Pól Hendrik Andreasen og Mortan á Bøgarði endaði nummar trý.