Í dag varð Dagurin fyri altjóða Holocaust- og onnur fólkadráp hildin. Dagurin er ein altjóða minningardagur, sum ST hevur ásett.
Tað er Nám og Amnesty, sum vegna Mentamálaráðið skipaði fyri degnum. Dagurin varð fyrstu ferð hildin í fjør, og gjørt var av, at innihaldið í degnum skal venda sær til skúlanæmingar, har Skúlin við Streymin var vertur fyri degnum.
Evnið í ár, var “Bosniadrápini” á Balkan.
Skráin bygdi á, at nógv fólk í Føroyum hava persónligt samband við fólk haðani, ella hava upplivingar frá krígnum í Bosnia, árini 1992 -1995.
Tað, sum ger evnið viðkomandi í samband við altjóða minnisdagin um fólkadráp, er, at í býnum Srebrenica vórðu útivið 8.000 bosniskir muslimskir menn og dreingir fyribeindir í einum hópdrápi, sum ein ST-dómstólur síðani hevur dømt at vera fólkamorð.
Her ber til at síggja tiltakið, ið varð hildið í Skúlanum við Streymin:
.png){kind=logo}
