Seinnapartin í gjár varð ringt til løgreglina at siga frá, at svartur roykur stóð úr almennu vesunum í Steinatúni.

Løgregla og sløkkilið komu á staðið, og har varð staðfest, at eldur var í.

Eitt fólk var inni, men tað varð bjargað út. Løgreglan sigur, at viðkomandi varð førdur á Landssjúkrahúsið at fáa viðgerð fyri roykeitran.

Men áðrenn viðkomandi fór á sjúkrúsið, varð hann skuldsettur fyri at hava sett eld á. Sostatt skal viðkomandi havt sett eld á, uttan at koma sær út aftur.

Løgreglan fer nú at kanna málið neyvari. Tey siga, at skaðin av eldi er ikki so stórur, men at alt er dálkað av sótið, so har má vaskast upp og niður.