Uttanlands

Korona: Talið á deyðum í USA nærkast nú av álvara 100.000

Føroysku koronatølini eru munandi meira hugaligur lesnaður enn tey amerikonsku, ja, enn í so øgiliga nógvum øðrum londum Kelda: Heilsumálaráðið

Føroysku koronatølini eru munandi meira hugaligur lesnaður enn tey amerikonsku, ja, enn í so øgiliga nógvum øðrum londum Kelda: Heilsumálaráðið

2020-05-25 16:48 Author image
Sveinur Tróndarson

Líkamikið, um vit eru samd ella ósamd um mátan at lata landið uppaftur uppá, so kunnu vit ikki annað enn vera samd um, at korona-smittan ikki fekk ta herviligu gongd í Føroyum, sum fryktað var fyri.

Tann 22. mai var akkurát ein mánaði liðin, síðan seinasta tilburðin av smittuni, og harumframt hava vit verið so heppin, at eingin er deyður við korona í Føroyum. Og sum rosinan í pylsuendanum, so hava vit heldur ikki havt tær ógvusligu innleggingarnar, sum vit hava sæð aðrastaðni.

Heilt so væl hevur tað ikki gingið í hond í USA, har talið av smittaðum ivaleyst fer upp um 1,7 milliónir fólk, og hóast tað búgva 330 milliónir fólk í USA, er landið nú á 12 plássi, tá talið av smittaðum verður mált í mun til fólkatalið.

Íalt eru 0,5 prosent av amerikanska fólkinum smittað við korona, og tað merkir í grundini, at USA hevur yvirhálað Føroyar í tí listanum.

Eisini tá tað kemur til deyðstøl, er USA ovarlaga á listanum. Í absoluttum tølum er USA so langt fremst á listanum, og tað verður antin í dag ella í morgin, at amerikanarar mugu staðfesta, at fleiri enn 100.000 fólk eru deyð við korona.

Næst á tí listanum er Stórabretland, har sløk 37.000 fólk eru deyð.

Samanlagt hava nú umleið 5,5 milliónir fólk verið smitta við korona og av teimum eru umleið 350.000 fólk deyð.

 

Sum haldari fært tú atgongd til alt tilfar í blaðnum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður