50 dagar í fongsul fyri hóttanir

Ein kvinna í 40’num var í Føroya rætti í dag dømd 50 daga treytaleysa fongsulsrevsing fyri brot á grein 266, sum er hóttanir.

Kvinnan hevur sitið varðhaldsfongslað síðan 25. oktober, tí tá hon varð handtikin fyri hóttanirnar, hevði hon júst frammanundan fingið dóm – eisini fyri hóttanir.

- Kvinnan varð 18. oktober dømd 60 daga fongsulsrevsing fyri fleiri brot, harímillum hóttanir, og hetta vóru skerpandi umstøður, so hon hesaferð fekk 50 daga treytaleysa fongsulsrevsing, sigur Ingi Midjord, ákæri.