Alt fleiri koyra í undirsjóvartunlunum

Ferðslan í undirsjóvartunlunum økist støðugt. Tað vísa tølini fyri februar 2024, sum nú síggjast á tunnil.fo. Felags fyri tølini í øllum tunlunum er, at tey eru hægri nú, enn tey áður hava verið.

Í Vágatunlinum koyrdu í miðal 2472 bilar hvønn dag í februar. Sammett við fyri einum ári síðani var ferðslan 157 bilar fleiri í miðal um dagin.

Í Norðoyatunlinum koyrdu í miðal 4037 bilar hvønn dag í februar. Sammett við fyri einum ári síðani var ferðslan 231 bilar fleiri í miðal um dagin.

Í Eysturoyartunlinum koyrdu í miðal 5898 bilar hvønn dag í februar. Sammett við fyri einum ári síðani var ferðslan 543 bilar fleiri í miðal um dagin.

Í Sandoyartunlinum koyrdu í miðal 783 bilar hvønn dag í februar. Fyrstu tølini fyri ferðslu í Sandoyartunlinum vóru tey í desember og januar. Í desember og fyrstu dagarnar í januar var tað ókeypis at koyra. Hesar báðar mánaðirnar var ferðslan í miðal ávikavíst 781 og 1265 bilar um dagin.

tunnil.fo