Aron er aftur í Runavík
Eftir eitt ár í B36 er Aron Knudsen aftur í NSÍ
Jóannes Hansen
15. mars 2024 kl. 22:14
NSÍ hevur í dag skrivað undir eitt ára sáttmála við Aron Knudsen, ið samstundis er loystur úr tvey ára sáttmálanum, sum hann í fjør undirskrivaði við B36.
Í fjør var Aron Knudsen á B36 liðnum í 26 landskappingardystum. Í 14 varð hann skiftur inn, og í 9 varð hann skiftur út. Aron skoraði tvey mál fyri B36 í bestu landskappingini í fjør.
NSÍ skrivar soleiðis:
Aron Knudsen hevur í dag skrivað ein eitt ára sáttmála við NSÍ.
Hann kemur sostatt aftur at umboða barndómsfelagið.
Vit í NSÍ bjóða Aroni vælkomnum heim, og fegnast um, at hann aftur kemur at spæla fyri Vespunum við Løkin.
Saman standa vit sterk!
.png){kind=logo}