Tað var fyrrapartin í gjár, at floghavnin í Billund varð stongd og øll flogferðsla lamd vegna vanda fyri bumbuatsókn.
Í gjárkvøldi kl. 19 danska tíð varð øll vanlig ferðsla á flogvøllinum tikin upp aftur.
Eingin skaði var á floghavnini.
Maðurin í 30’unum, ið varð handtikin av løgregluni stutt eftir at illgruni varð staðfestur, var í dag fyri grundlógaryvirhoyring í rættinum í Horsens fyri stongdum dyr. Maðurin er varðhaldsfongslaður til 17 mai.
Hetta vita fleiri danskir miðlar at siga í dag.
Danska løgreglan hevur kunnað um, at hon fann ein lut á flogvøllinum í gjár, sum varð tikin burtur og síðani beindur fyri. Sambært handtikna manninum, skuldi luturin hava spreingievni í sær. Eftirfylgjandi evnafrøðiskanningarnar skulu staðfesta, hvørt hetta er satt.
.png){kind=logo}
