Botnbrak á Svangaskarði í kvøld

Toftamenn og fuglfirðingar hava fingið eina serstakliga vánaliga byrjan í Betri deildini hjá monnum. Eitt stig í átta dystum er úrtøkan hjá báðum liðum. Í kvøld møtast liðini í síðsta dystinum í níggjunda umfari.

Talan er tí um ein veruligan gysara, har hvørki av liðunum hevur ráð at tapa. EB/Streymur liggur á áttanda plássi, beint omanfyri niðurflytingarstrikuna, við fýra stigum, so um annað liðið megnar at vinna í kvøld, leggur tað seg undir liðina á sundalagsmonnum.

Skála liggur á sjeynda plássi við 10 stigum, so í løtuni er tað líkt til, at niðurflytingarstríðið fer at standa ímillum EB/Streym, B68 og ÍF.

Dysturin á Svangaskarði í kvøld verður bríkslaður í gongd klokkan 18.


9. umfar í Betri deildini

Stigatalvan - Betri deildin menn