Sjey ferðir hava Føroyar og Liktinstein dystast í fótbóltslandsdystum. Føroyar hava vunnið allar sjey ferðirnar, og samlaði málmunurin er 17-5.
Fyrsti dysturin varð spældur í høvuðsstaðnum í Liktinstein Vaduz 26. apríl í 2000. Føroyar vunnu 1-0, og Uni Arge var málskjútti. Føroyar vunnu brotsspark, sum Øssur Hansen sendi omanfyri málið. Hetta var í 57. minutti, tá ið støðan framvegis var málleysur javnleikur.
Hesin dysturin var vinardystur soleiðis, sum allir sjey dystirnir hava verið.
Brandur H. Olsen er føroyskur toppskjútti ímóti Liktinstein. Hann hevur skorað fýra mál.
Fyrri dysturin í 2002 var á Kypros 13. februar, og tann seinni var 21. august á Tórsvølli. Liktinstein var aftur á Tórsvølli 7. juni í 2021. Tá vunnu Føroyar 5-1. Viljormur Davidsen staðfesti sigurin við brotssparki.
Burtursæð frá fyrsta dystinum í Liktinstein í 2000, og teimum báðum, sum vóru í Føroyum, so eru hinir fýra dystirnir ímóti Liktinstein spældir á venjingarlegum sunnanfyri tíðliga á árinum.
2000 | Liktinstein – Føroyar | 0-1: Uni Arge | ||||||
2002 | Føroyar – Liktinstein | 1-0: Uni Arge | ||||||
2002 | Føroyar – Liktinstein | 3-1: Christian Høgni Jacobsen, Fróði Benjaminsen, Julian Johnsson | ||||||
2016 | Liktinstein – Føroyar | 2-3: Brandur H. Olsen, Jóan Símun Edmundsson, Sølvi Vatnhamar | ||||||
2018 | Føroyar – Liktinstein | 3-0: Kaj Leo í Bartalsstovu, Brandur H. Olsen, Sonni Ragnar Nattestad | ||||||
2021 | Føroyar – Liktinstein | 5-1: Klæmint A. Olsen (2), Brandur H. Olsen (2), Viljormur Davidsen | ||||||
2022 | Liktinstein – Føroyar | 0-1: Patrikk Johannesen | ||||||
.png){kind=logo}
