Bumbuliðið hjá løgregluni var til staðar á fløgvøllinum í Kastrup

Fyrr í dag varð innskrivingin á flogvøllinum í Kastrup stongd av løgregluni, tí ein illgrunasamur lutur var funnin í trygdarøkinum.

Løtu seinni kom fram, at bumbuliðið hjá løgregluni í Keypmannahavn eisini var til staðar, og at øll ferðafólk vóru førd burtur av trygdarøkinum.

Løgreglan í Keypmannahavn váttar tó nú á sosiala miðlinum X, at stongsilin av trygdarøkinum nú er avtikin, og at trygdarøkið aftur koyrir sum vant.

- Onki óvanligt varð funnið, skrivar løgreglan á X.