Deyðstalið eftir jarðskjálvtan í Turkalandi og Sýria er nú omanfyri 33.000

Jarðskjálvtin, ið mánadagin rakti Turkaland og Sýria, hevur nú kostað 29.600 fólkum lívið í Turkalandi. 

Tað upplýsa turkisku vanlukkumyndugleikarnir sambært tíðindastovuni Reuters.

Í sýria eru higartil 3.574 fólk staðfest deyð, og harvið er samlaða deyðstalið hægri enn 33.000.

Útlitini fyri at finna fólk á lívið í millum teir niðurrapaðu bygningarnar eru sera vánalig, eftir at jarðskjálvtin náttina til mánadag rakti eitt øki tætt við turkiska milliónabýin Gaziantep.