Ein 26 ára gamal maður var ákærdur fyri at hava neyðtikið tvær kvinnur – eina í desember 2018 og hina í november 2019. Harumframt var maðurin ákærdur fyri at hava framt harðskap móti tí einu kvinnuni í einari aðrari hending fyrr um dagin.
Maðurin, sum noktaði seg sekan, bleiv í Føroya Rætti dømdur eitt ár og átta mánaða treytaleysa fongsulsrevsing. Hendan revsingin bleiv í Eystara Landsrætti í gjár herd til tvey ára treytaleysa fongsulsrevsing, sum eisini var kravið hjá ákæruvaldinum.
Tað skrivar Føroya Politi í tíðindaskrivi.
Í metingini av revsingini legði Eystari Landsrættur m.a. dent á, at talan var um neyðtøkur, sum vóru framdar við harðskapi. Neyðtøkurnar vóru framdar, áðrenn revsingin fyri neyðtøku varð hækkað í juni 2022, og revsingin tekur tí útgangsstøði í gomlu rættarstøðuni.
.png){kind=logo}
