– Krim og hoyra til Ukraina.
Tað sigur forsetin í Serbia, Aleksandar Vucic, í samrøðu við altjóða miðilin Bloomberg.
– Fyri okkum í Serbia er Krim í Ukraina og Donbass í Ukraina. Og soleiðis verður tað, sigur Vucic í samrøðuni.
– Vit hava sagt frá byrjan, at vit stuðla ikki russisku innrásini í Ukraina, sigur forsetin, sum harvið alment tekur frástøðu frá Russlandi.
Søguliga sæð, so hevur Serbia verið ein av teimum nærmastu hjá Russlandi í Evropa. Men í seinastuni hevur stjórnin í Serbia roynt at tikið eina ávísa frástøðu til Moskva.
Serfrøðingar siga fyri Bloomberg, at kríggið í Ukraina hevur meint sambandið millum Serbia og Russland, og í samrøðuni við miðilin sigur forsetin í Serbia, at hevur ikki tosað við Putin í “fleiri mánaðir”.
Serbia roynir at fáa limaskap í ES, men strembar eisini eftir at hava eitt gott samband við Russland, men serfrøðingar meta, at við taka frástøðu til Russland, styrkir tað um møguleikarnar hjá Serbia at gerast eitt ES-land.
.png){kind=logo}
