Vestari landsrættur hevur nú fríkent danska reiðaran, Henning Kjeldsen, í málinum um svik við kvotum.
Henning Kjeldsen, sum er ríkasti reiðari í Danmark, fekk í býrættinum í Holstebro 17. desember í fjør risabót á 54 milliónir krónur fyri at hava svikað við kvotum. Harumframt varð eisini lagt hald á 64 milliónir krónur, sum lógu í einum av feløgum hansara.
Kjeldsen varð dømdur fyri at hava brotið reglurnar um fiskikvotur í árunum frá 2013 til 2019, millum annað við at hava brotið reglurnar fyri loft á fiskikvotum umvegis strámannavirksemi.
Men landsrætturin er komin til ta niðurstøðu, at heimild er ikki í lóggávuni til at revsa Kjeldsen, sum tí er fríkendur.
Tilsamans 10 fólk vórðu partur av málinum, sum verður roknað at verða størsta revsimál í søguni hjá donskum vinnufiskiskapi.
.png){kind=logo}
