Jon Dahl Tomasson er nýggjur svenskur landsliðsvenjari

Svenska fótbóltssambandið váttar á heimasíðu sínari í dag, at fyrrverandi danska landsliðsleikarin, Jon Dahl Tomasson, er nýggjur svenskur landsliðsvenjari.

- Vit meta tað vera eina styrki, at hann hevur gott skil fyri landsliðsarbeiði, eftir fleiri ár sum hjálparvenjari á danska landsliðnum. Hann hevur eisini góðar royndir sum leikari, og var millum annað liðskipari á danska landsliðnum, sigur svenski fótbóltsstjórin, Kim Källström.

Jon Dahl Tomasson hevur seinastu tvey árini verið venjari hjá Blackburn Rovers í næstubestu ensku deildini.

Sáttmálin ímillum danska venjaran og svenska fótbóltssambandið er galdandi til og við HM í 2026.