Enn einaferð má veðrið sær sjálvum ráða, og soleiðis verður allarhelst eisini framyvir.
Veðurforsøgnin fyri komandi vikuskifti sær einki serlig út – boðað verður frá kulda og kava – og tað fær nú avleiðingar fyri dystirnar í Betri Deildunum hjá bæði kvinnum og monnum, og í 1. og 2. deild hjá monnum, og í U21, sum annars vóru á skránni um vikuskifti.
Kappingarnevndin hjá Fótbóltssambandi Føroya hevur avgjørt, at dystirnir í 1. umfari í Betri Deildini hjá kvinnum verða útsettir til mikudagin 3. mai, meðan dystirnir í 2. umfari í Betri Deildini hjá monnum verða fluttir til mikudagin 12. apríl.
Harafturat eru umfør og dystir í 1. deild og í 2. deild hjá monnum, og í U21 fluttir orsakað av veðrinum, ið er væntandi næstu dagarnar.
Broyttu leikdagarnir eru dagførdir í leikskráunum á heimasíðuni hjá FSF.
.png){kind=logo}
