B36 hevði eykaaðalfund í kvøld. Einasta mál á skrá var nevndarval. Fleiri feløg hava broytt aðalfundin soleiðis, at eykaaðalfundur er stutt eftir kappingarlok. Tá er nevndarval á skrá. Vanligi aðalfundurin er so seinni á vetrinum, og tá er formansfrágreiðing, ársroknskapur og onnur mál á skrá.
Á fundinum í kvøld takkaðu nevndarlimirnir Bogi Petursson Nielsen og Dánjal Petersen fyri seg.
Nýggj í nevndini eru Uni Holm Johannesen og Jaspur Enghamar.
B36 skrivar, at eini 60 fólk vóru møtt, og tað gekk skjótt at avgreiða einasta málið á skránni. 45 minuttir seinni hevði nevndin skipað seg.
Marita Debess Magnussen, forkvinna
Súsanna Maria Hansen, næstforkvinna
Jaspur Enghamar, kassameistari
Sigurd Rasmussen, skrivari
Uni Holm Johannesen, Maj-Britt Hellisdal og Pól Rói Mohr, nevndarlimir
Felagið takkar Boga og Dánjal fyri teirra arbeiði fyri B36 og ynskja Una og Jaspuri vælkomnum – og sjálvandi allari nevndini góðan eydnu, skrivar B36.
