Matt Le Tissier valdi í hesi vikuni at lata ambassadør-leiklutin í Southampton frá sær. Hetta upplýsti hann sjálvur á Twitter.
– Til øll viðhaldsfólk hjá Southampton. Eg havi valt at gevast sum ambassadørur fyri Southampton, skrivaði Matt Le Tissier á sínum Twitter-vanga mikudagin.
Seinastu tíðina hevur fyrrverandi stjørnan hjá The Saints, sum Southampton verður kallað, verið nógv í miðlunum fyri sínar útsagnir á Twitter, har hann millum annað hevur sett spurnartekn við koronakoppingarevni og avmarkingar.
Men eftir at hava endursend eini Twitter-boð fyrr í vikuni, har spurnatekn varð sett við, at miðlarnir høvdu logið um sivildrápini í Butja, fleyt bikarið yvir hjá mongum, sum setti eld í ein shitstorm móti honum, skrivar Sky News.
Seinni slettaði hann hesi boðini.
– Míni sjónarmið eru míni egnu, og tað hava tey altíð verið. Tí er tað týdningarmikið at taka hetta stigið, so undan slepst einum hurlivasa, skrivar hann á Twitter – í samband við, at hann letur ambassadør-leiklutin frá sær.
Matthew Le Tissier, ið er føddur á Guernsey, spældi í alt 444 dystir fyri Southampton og skoraði 162 mál fyri felag sítt.
/ritzau/
.png){kind=logo}
