Nýtt poddvarp um Trónd Patursson

Fríggjadagin 16. februar letur upp ein nýggj serframsýning á Listasavni Føroya. Framsýningin eitur “Ljós og litir” og rúmar eldri og nýggjum verkum eftir Trónd og Brand Patursson.

Í mars fyllir eitt av okkara mætastu listafólkum, Tróndur Patursson, 80 ár, og í sambandi við føðingardagin hevur Listasavn Føroya gjørt eitt poddvarp, ið leggur dent á Tróndi, hansara langa listaliga arbeiðslív og hansara list sum heild. Í partinum verður prátað við listamanninum og Kirstin Helgadóttir, ið er kurator fyri framsýningina.

Framsýningin “Ljós og litir” á Listasavni Føroya letur upp í morgin kl. 16. Ferniseringin er millum klokkan 16 og 18.

Lurta eftir poddvarpinum her.