Tað er ongastaðni í Norðurlondum, ella í ES, at tað er so lítil munur á ríkum og fátækum sum í Føroyum.
Sostatt er tað neyvan heldur nakrastaðni í verðini, at stættarmunurin er so lítil sum her.
Tað vísir ein uppgerð Hjá Hagstovuni.
Uppgerðlin vísir, at í 2021 var føroyska gini-talið 21, og tað er eitt sindur minni enn tað var í 2020, tá ið tað var 21,1 árið fyri.
Gini-talið vísir, hvussu stórur munur er á teimum, sum tjena mest, og teimum, sum tjena minst.
Lægri gini-talið er, minni er stættarmunurin. Er gini-talið null, fáa øll tað sama í løn, og er tað 100, er tað eitt húski, sum hevur alla inntøkuna.
Talvan vísir, at munurin ímillum rík og fátæk var størst í 2015, men síðani er hann minkaður
Uppgerðin hjá Hagstovuni vísir, atcí 2009 var gini-talið 19,6, men síðani vaks tað so líðandi til 2015, tá ið tað var 23.5. Síðani er munurin ímillum rík og fátæk er minkaður og í 2020 var talið 21,1 og í 2021 kvinkaði tað so aftur niður á 21.
Men uppgerðin hjá Hagstovuni viðsir eisini, at í Føroyum er minni stættarmunur enn í hinum Norðurlondunum, og í ES sum heild.
Í Danmark og í ES sum heild, er gini-talið yvir 30. Í Grønlandi er gini-talið upp aftur størri, har tað er 34. Noreg og Svøríki hava eitt gini-tal, ið er ávikavist 27,9 og 26,8.
Sostatt eru inntøkurnar í Føroyum javnari býttar enn í londunum, sum vit vanliga sammeta okkum við, sigur Hagstovan. Sí talvuna niðan fyri.
Talvan oman fyri vísir, at ongastaðni er stættarmunurin so lítil sum í Føroyum
