Signa Vár fer til Fraklands at svimja

Hesa vikuna verða Virtus Global Games hildnir í Vichy, Fraklandi. Hetta eru leikir har úrvalsítróttarfólk við menningarórógvi, kappast. Og tað verður Signa Vár Dávadóttir, sum skal umboða Føroyar í kappingini.
Hetta er sætta ferðin at Virtus Global Games eru og hetta er aðru ferð at Signa Vár Dávadóttir er við.
Fyri fýra árum síðani, tá ið leikirnir vóru í Brisbane, Avstraliu, var Signa Vár í toppformi, og kom heimaftur við heili níggju heiðursmerkjum.
Signa Vár svimur í klassa II-3 sum er fyri fólk við vanligum intelligensi men sum hava okkurt slag av autismu.
Kappingarnar hjá Signu Vár byrja í dag, og halda fram alla vikuna og tað ber til at fylgja við á á www.gg2023.org