Honsbóltsfepurin er høgur í Svøríki, og í kvøld hækkaði hann eitt vet aftrat. Svøríki, sum í fjør vann EM finaluna, tók við sigri ímóti Ungarn í Scandinavium í Göteborg í kvøld enn eitt stig fram ímóti fjórðingsfinaluni. Svøríki skal spæla ímóti Íslandi fríggjakvøldið og sunnukvøldið ímóti Portugal. Um Svøríki vinnur annan av hesum dystunum, so hevur Svøríki tryggjað sær pláss í fjórðingsfinaluni.
Í kvøld vóru sviar av álvara í rætta lagnum, og áskoðararnir stórfagnaðu teimum. Hálvleiksstøðan var 18 – 14, og Svøríki vann 37 – 28.
Svenski málverjin Andreas Palicka, sum verður roknaður at vera ein tann besti í HM endaspælinum, var fínur, og Hampus Wenne var toppskjútti við 9 málum. Heimsstjørnan Jim Gottfridsson, sum skoraði trý mál, var aftur í kvøld sera eyðsýndur spælskipari.
Tað verður fylgt væl við í Danmark, hvussu tað gongur hjá Svøríki, og tað verður fylgt væl við í Svøríki, hvussu tað gongur hjá Danmark. Um annar av hesum báðum HM favorittunum snávar í einum dysti og harvið endar á øðrum plássi í miðbólkinum, og um hin av HM favorittunum vinnur sín bólk, so fara Svøríki og Danmark at hittast longu í fjórðingsfinaluni.
Frakland vann 35 – 24 ímóti Montenegro, og Spania vann 27 – 23 ímóti vertunum í Póllandi. Tapið ber við sær, at Pólland hevur ongan møguleika at spæla seg í fjórðingsfinaluna.
Tað sær út til, at Frakland og Spania sunnudagin fara at spæla um fyrsta plássið í bólkinum. Hvørjar tjóðir úr hinum bólkinum, sum spælir í Póllandi, fara at vinna seg í fjórðingsfinaluna fæst góð ábending um í morgin. Favorittar eru Týskland og Noreg, sum í morgin fer at spæla ímóti Serbia, sum framvegis hevur møguleika.
Í dag
Iran – Slovenia 21 – 38
Portugal – Brasil 28 – 28
Kili – Saudi Arabia 26 – 23
Frakland – Montenegro 35 – 24
Kap Verde – Ísland 30 – 40
Uruguay – Suðurkorea 30 – 37
Spania – Pólland 27 – 23
Svøríki – Ungarn 37 – 28 (18 – 14)
Svøríki : Hampus Wanne 9, Eric Johansson 6, Albin Lagergren 6, Felix Claar 5, Jim Gottfridsson 3, Niclas Ekberg 3, Oscar Bergendahl 2, Jonathan Carlsbogard 1, Lukas Sandell 1, Max Darj 1.
Í morgin
Kl. 14.30
Qatar – Holland
USA – Bahrain
Algeria – Norðurmakedonia
Kl. 17.00
Týskland – Argentina
Egyptaland – Belgia
Marokko – Tunesia
Kl. 19.30
Noreg – Serbia
Danmark – Kroatia
.png){kind=logo}
