Ein triðingur av 2024 kappingini er av. Síðsti dystur var á Toftum í kvøld, tá ið B68 hevði vitjan av ÍF.
Hetta eru botnliðini, sum eru á niðurflytingarplássunum. Í kvøld endaði tað 0-0, og tí eydnaðist tað hvørki B68 ella ÍF at styrkja um sína støðu. Mánadagin verður sjøtul settur á næsta triðingin, og tá hittast ÍF og B68 aftur. Nú verður tað í Fuglafirði, og ein spurningur er, um tað fer at eydnast øðrum partinum at vinna og harvið at styrkja um sína støðu í kappingini um at sleppa undan at flyta niður.
Umframt ÍF og B68 er tað í løtuni bara ein kandidatur at flyta niður. Tað er EB/Streymur, sum hevur fýra stig, meðan tey bæði botnliðini hava tvey stig. Leikligu avrikini hjá EB/Streymi hava verið á góðari leið, og tað er merkisvert, at EB/Streymur hevur tapt við einum máli og verið tætt við at vunnið stig ímóti B36, HB, KÍ og Víkingi.
Hjá B68 hevur tað í alt ár verið størsti veikleikin, at tað gongst so illa at skjóta má. Í kvøld ímóti ÍF hevði B68 risastóran møguleika, tá ið dómarin bríkslaði fyri brotssparki. Men Bartal Páll Klein sendi bóltin í tvørtræið, og í seinna hálvleiki høvdu bæði ÍF og B68 bóltin á stólpanum.
B68 – ÍF 0-0
Dómari: Heini Ziskason Viðoy
B68: Tórður Thomsen – Fríði í Túni Petersen, Áki Johannesen, Aron Reinert Petersen, Bárður Ó. Jensen – Hanus Højgaard (Karstin Clementsen, 87.), Sebastian Lau Nielsen, Ragnar Samuelsen – Bartal Páll Klein, Brian Jakobsen (Jóhann Hansson Joensen, 77.), Villiam Emil Klein
Gult kort: Bartal Páll Klein
Venjari: Jákup á Borg
ÍF: Jákup Jónsson – Tóri Nolsøe Olsen, Karl Løkin, Peter S. Ullum – Elvio Gelmini, Bogi Reinert-Petersen, Tonni J. Thomsen, Gundur E. Petersen – Dánjal á Lakjuni (Kasper Sommerstedt, 82.), Uros Stojanov, Jhon Mena Perez
Gult kort: Dánjal á Lakjuni, Petur S. Ullum, Elvio Gelmini
Venjari: Jákup Martin Joensen
Víkingur | 9 | 8 | 0 | 1 | 25 | 6 | 24 |
HB | 9 | 8 | 0 | 1 | 20 | 6 | 24 |
KÍ | 9 | 7 | 0 | 2 | 19 | 7 | 21 |
NSÍ | 9 | 6 | 0 | 3 | 20 | 12 | 18 |
B36 | 9 | 4 | 2 | 3 | 16 | 13 | 14 |
07 Vestur | 9 | 3 | 2 | 4 | 11 | 17 | 11 |
Skála | 9 | 3 | 1 | 5 | 13 | 17 | 10 |
EB/Streymur | 9 | 1 | 1 | 7 | 10 | 17 | 4 |
B68 | 9 | 0 | 2 | 7 | 4 | 17 | 2 |
ÍF | 9 | 0 | 2 | 7 | 7 | 33 | 2 |
10. umfar
Mánadagin 20. mai – 2. hvítusunnudag
ÍF – B68: Rúni Olsen kl. 15.00
Víkingur – NSÍ: Jóhan Hendrik Ellefsen kl. 17.00
07 Vestur – EB/Streymur: Dagfinn Forná kl. 15.00
HB – B36: Kári J. á Høvdanum kl. 17.00
Týsdagin 21. mai
Skála – KÍ: Áki Leitisstein Hansen kl. 19.00
