Tóri Højgaard nýggjur stjóri í Dátueftirlitinum

Tekur við eftir Katrin Thorsvig Hansen, sum er farin í starv sum høvuðsákæri.

Steinar Patursson
8. desember 2021 kl. 13:05

Eftir at Katrin Thorsvig Hansen, sum annars var sett sum stjóri fyri Dátueftirlitinum í februar í ár, er sett sum høvuðsákæri hjá løgregluni í Føroyum, har hon tekur við starvinum 1. februar 2022, hevur verið søkt eftir nýggjum stjóra til Dátueftirlitið.

Nú er greitt, at rituvíkingurin Tóri Højgaard er settur í starv sum stjóri á Dátueftirlitinum.

Tað boðar løgmansskrivstovan frá í dag.

Tóri Højgaard er 36 ár og løgfrøðingur. Hann hevur serliga áhuga í dátuvernd, fyrisitingarrætti og kunningartøkni.

Hann hevur seinastu árini arbeitt sum løgfrøðingur í landsfyrisitingini, har hann seinasta árið hevur arbeitt nógv við dátuvernd og kunningartøkni.

Tóri hevur eisini royndir úr privatu vinnuni og sum miðlafólk.

Tóri Højgaard tekur við starvinum 1. februar 2022.

Leys Størv