Tað hevur gingist Føroyum so mikið væl í evropeiskum fótbólti í summar, at nú 3. umfar í UEFA Conference League skal spælast, eru bæði KÍ og B36 framvegis við í kappingini. Hetta ávirkar kappingina í Betri-deildini nakað, soleiðis at nakrir dystir mugu flytast.
Eftir nøkur avbera góð avrik hjá føroysku liðunum, ið hava tikið lut í evropeiskum dystum í summar, hevur Kappingarnevndin hjá FSF gjørt smávegis broytingar í leikskránni í Betri Deildini hjá monnum
Í fyrsta umfari blivu ársins ólavsøkudystir í Gundadali millum B36 og Skála, og HB og Víking, fluttir til sunnudagin 31. juli. Men nú er greitt, at dysturin millum HB og Víking enn einaferð er fluttur, og í staðin verður týsdagin 2. august klokkan 18:00, upplýsir Fótbóltssamband Føroya.
Eisini dysturin B68 móti B36, sum skuldi vera á Svangaskarði sunnudagin 7. august er fluttur. Kappingarnevndin hjá FSF hevur avgjørt, at hesin dystur verður útsettur til mikudagin 24. august.
Í 3. umfari í UEFA Conference League spælir KÍ móti FC Ballkani úr Kosovo, meðan B36 fer til Danmarkar og møtir danska Superligafelagnum, Viborg FF.
Skráin fyri evropisku dystirnar sær soleiðis út:
Mikudagin 3. august
Viborg FF – B36
Hósdagin 4. august
FC Ballkani – KÍ
Týsdagin 9. august
B36 – Viborg FF (á Tórsvølli kl. 19:00)
Hósdagin 11. august
KÍ – FC Ballkani (á Tórsvølli kl. 19:00)
.png){kind=logo}
