Tveir nýggir nevndarlimir í Føroya Banka
Gullak Madsen eigur fjórðing av bankanum og nýggju nevndarlimirnir eru hansara umboð
Árni Gregersen
21. mars 2024 kl. 20:02
Hvørki formaðurin ella næstformaðurin í nevndini fyri Føroya Banka vóru afturvald, tá ið bankin hevði aðalfund seint seinnapartin.
Nýggir í nevndini eru Annfinn Vitalis Hansen og Árni Rasmussen, sum báðir umboða nýggja partaeigaran Gullak Madsen.
Á nevndarfundi eftir aðalfundin skipaði nevndin seg við Birgir Durhuus, sum nýggjum nevndarformanni.
Landið eigur sløk 35 prosent av bankanum, meðan nýggi eigarin eigur um 25 prosent av bankanum.