Myndatólini skulu sambært løgregluni nýtast til at eyðmerkja og revsa kvinnur, ið ikki eru dekkaðar eftir hijablógini á gøtunum. Tá kvinnurnar verða kendar aftur, fara tær at fáa eini SMS boð, ið ávara við avleiðingunum.
Tað hevur iranska løgreglan í dag boðað frá sambært Reuters.
Fráboðanin frá løgregluni hevur mælt eigarum av fyritøkum til at “fylgja við samfelagsfyridøminum”.
Fleiri djarvar kvinnur í Iran hava droppað turriklæðið og stríðst í móti hijablógini, síðan tann 22 ára gamla Jina Mahsa Amini í september doyði, meðan hon var í varðveitslu hjá moralløgregluni í høvuðsstaðnum Teheran.
Í undanfarnu viku segði leiðarin av teimum iransku dómstólunum, Gholamhossein Mohseni Ejei, at kvinnur, ið ikki bera turriklæðið í almenna rúminum, verða rættarsøktar “uttan náði”.
.png){kind=logo}
