Vilja hava fongsul á Nesi

Sum vit hava skrivað nakrar ferðir, er ætlanin at byggja nýtt fongsul og herfyri fingu kommunurnar kring landið høvi til at skjóta upp, hvat í Føroyum hetta nýggja fongslið skal vera. 

Nakrar kommunur hava bjóðað seg fram, og tann seinasta í røðini, er Nes Kommuna. 

Har varð málið viðgjørt á kommunustýrisfundi herfyri og har varð einmælt samtykt at bjóða tvey øki í kommununi fram. 

Annað øki er sunnan fyri Blákrossheimið og hitt øki er í Fossdali.

Økið, sum skal setast av, skal vera minst 40.000 til 80.000 fermetrar til víddar og tað skal vera gott ferðasamband til og frá.