Tað er nú greitt, at hesar næstu sjey vikurnar, fram til 31.juli, verður tað mvg frítt at fylla sær tangan á bilinum við bensini ella við diesel.

Tað hevur Løgtingið endaliga samtykt í dag. Øll samgongan atkvøddu fyri, Miðflokkurin og Sjálvstýri atkvøddu ímóti ogTjóðveldi atkvøddi blankt.

Sostatt vóru 21 atkvøður fyri, tríggjar vóru ímóti og fimm atkvøður vóru blankar - og fýra tinglimir vóru ikki til staðar.

Hetta kemur í gildi tá ið lógin er lýst, og tað verður hon hvørja løtu, kanska longu seinni í dag.

Sum vit skrivaðu í áðni, heitir Bjarni Kárason Petersen, tingmaður, staðiliga á Landsstýrið at fylgja við at prísirnir eisini í roynd og veru lækka og at hesin lættin ikki bara endar sum eyka vinningur hjá oljufeløgunum.