Í gjár varð ringt til løgregluna úr Klaksvík at melda, at herverk var gjørt á ein bil sum stóð parkeraður á Garðavegi. Løgreglan sigur, at herverkið er hent onkuntíð ímillum leygardagin og sunnudagin, mn varð ikki meldað fyrr enn í gjár.

Løgreglan sigur, at bæði síðuspeglini eru brotin, og tey eru eisini horvin.

Tey siga, at hevur onkur lagt merki til nakað, eru tey vælkomin at siga frá.

Í gjár hendi eitt ferðsluóhapp uppi á Hjalla oman fyri Havnina.

Ein bilur, sum kom úr Havnini, skuldi snara inn á Hjalla, men bilførarin í bilinum, sum kom aftan fyri og skuldi framvið, helt seg ikki nóg langt til høgru so hann bar við bilin, sum skuldi inn á Hjalla.

Løgreglan sigur, at báðir bilarnir fingu skaða, men fólkaskaði var eingin.