Sigmundur Mørkøre vil heldur verða verandi í Føroyum og arbeiða fyri broytingum enn flyta av landinum. Sum ikki-binert fólk hava tey upplivað bæði frástøðu frá vinum og ljótar og niðrandi viðmerkingar á netinum.

Samstundis heldur Sigmundur, at nógv er broytt til tað betra. Í poddvarpinum greiða tey frá lívinum uttan fyri vanligu kynskassarnar, arbeiðinum fyri størri virðing og fleiri rættindum og ynskinum um eitt føroyskt samfelag, har fólk kunnu vera tann, tey eru, uttan at noyðast at flyta av landinum.