Nú ber aftur til at søkja um loyvi at skjóta grágæs og brandgæs.

Løgtingið hevur samtykt at leingja heimildina í § 17a í fuglaveiðulógini í fimm ár. Samstundis er skipanin víðkað, so hon nú eisini fevnir um brandgæs.

Tey, sum áður hava havt loyvi og vilja hava tað longt, skulu fylla út eitt nýtt umsóknarblað og senda tað til Búnaðarstovuna.

Bert ávís kunnu søkja

Bert festarar, eigarar og leigarar kunnu søkja um loyvi. Umsøkjarar skulu eisini hava vápnaprógv fyri at fáa loyvi at skjóta grágæs og brandgæs.

Búnaðarstovan heitir á umsøkjarar um at lesa leiðbeiningina um treytirnar fyri loyvinum, áðrenn søkt verður.