LemonParty hesa ferð snýr seg um, hvat politikkur er, og so verður eisini komið inn á, um alt kann vera politiskt ella ikki.

Til at svara okkum upp á hesar spurningar, so hava vit tosað við Beintu í Jákupsstovu, sum er stjórnmálafrøðingur.

Beinta hevur skrivað eina ph.d.-ritgerð í stjórnmálafrøði, og hevur annars granskað nógv um viðurskifti í Føroyum. Hon var millum annað tann fyrsta føroyska kvinnan, sum skrivaði um kvinnur í politikki í Føroyum.

LemonParty er eitt ungdómspoltiskt poddvarp. Vertur er Milia Egilsnes Anda, sum við poddvarpinum roynir at vekja áhugan millum tey ungu í Føroyum fyri politikki og politiskum evnum.