Árliga tiltakið í Klaksvík, Sjómannadagurin, verður komandi leygardag 22. august.
Fyrireikingarnar eru longu væl ávegis, og eisini eru onkur tiltøk so smátt farin í gongd.
Í kvøld klokkan 20.00 verður til dømis tiltakið Eitt langt lív á sjónum, hildið á KG Hotel. Tað verður ein samrøða millum Jóan Petur Klein úr Fugloy og Jóhann Lützen, blaðstjóra á miðlinum Norðlýsið.
Sjómannadagin verður tað sum vanligt, ein hópur av tiltøkum og kappingum fyri bæði børn og vaksin.
Eisini verður ein ørgrinna av mati at smakka í Klaksvík, til hetta vælumtøkta tiltakið.
