Næsti partur í poddvarpsrøðini hjá Beranum - um sorg, sakn og vón - er nú úti.
Í hesum partinum hoyra vit um, hvussu tað sum tannáringur kann upplivast at missa eitt foreldur.
Jórun Müller Jacobsen misti brádliga pápa sín í einari arbeiðsvanlukku í 2016. Hvussu upplivdi hon at missa pápa sín, og hvussu hevur hon lært seg at liva víðari við sorgini?
Í sendingini verður fokus eisini sett á, hvat sorg er fyri nakað, og hvussu ymiskt vit menniskju reagera, tá vit missa.
Harumframt verður tosað við Oddvør Poulsen, leiðara, um, hvat Berin er fyri nakað, og hvat børnini og tey ungu fáa burturúr, tá tey koma til Beran.
Til ber at lurta eftir poddvarpinum her.