Eitt ferðsluóhapp er hent fyri løtu síðani á vegnum omanfyri Syðrugøtu. Tveir bilar eru stoyttir saman og eitt fólk er í hvørjum bili.

Á politistøðini vita tey enn ikki nógv at siga um, hvussu standurin er á bilunum og um nakað álvarsligt er hent bilførarunum.

Brandbilur er á staðnum eins og politi og sjúkrabilur.

Nakað av ruðuleika er í ferðsluni og røðin av bilum er vaksandi. Ferðslan er stór við Gøtueiði, har bilar standa í longum røðum á báðum síðum.

Løgreglan arbeiðir við at fáa ferðsluna at flóta betur og vísir millum annað nøkrum bilførarum á ein alternativan koyrileið, sum gongur eftir gamla vegnum oman móti Syðrugøtu.