Amerikanski sendiharrin Kenneth A. Howery vitjaði í Føroyum í sambandi við ólavsøkuna. Undir vitjanini hitti hann Bárð á Steig Nielsen, landsstýrismann í uttanríkis- og fiskivinnumálum.

Sambært amerikonsku sendistovuni í Danmark gav vitjanin sendiharranum høvi at uppliva serliga ólavsøkuhugin í Havn.

Var við til gudstænastu og tingsetan

Kenneth A. Howery var við til ólavsøkugudstænastuna í Havnar kirkju og seinni til setanina av Løgtinginum. Har helt Beinir Johannesen, løgmaður, røðu.

Sendiharrin sá eisini kappróðurin, sum er ein av føstu og mest eyðkendu siðunum á ólavsøku.

Vitjaði vinnu og mentan

Á ferðini vitjaði Kenneth A. Howery alifyritøkuna HiddenFjord. Hann vitjaði eisini Tjóðsavnið og Listasavn Føroya.

Harumframt fekk sendiharrin høvi at uppliva føroysku náttúruna. Hann fór millum annað niðan á Slættaratind, hægsta fjall í Føroyum.