Tørvur er á at betra um spillvatnshandfaringina á Hvítanesi fyri at verja umhvørvið og tryggja, at báðar víkirnar við Hvítanes eru reinar og egnaðar til frítíðarendamál. Økið verður nógv nýtt sum dyppistaður, og verandi skipan tryggjar ikki nøktandi reinsing og burturleiðing av spillivatninum.

Tí skulu nýggjar pumpustøðir og spillivatnsleiðingar gerast. Spillivatnið skal leiðast burtur frá økinum og víðari til eina havleiðing, sum liggur longri sunnanfyri.

Á býráðsfundinum í dag varð samtykt at bjóða arbeiðið út, so ferð kann setast á verkætlanina.