Í gjárkvøldið var boðað frá innbroti í Apotekinum í Havn. Løgreglan kom á staðið og har tóku tey ein mann. Hann var komin inn um tað fyrstu hurðina, men so var hann ikki komin longur inn og sostatt hevði hann ikki fingið atgongd til nakran heilivág.

Løgreglan sigur, at maðurin var ávirkaður, so hann varð settur í brummuna. Hann verður avhoyrdur nú í dag og so verður støða tikin til, hvussu farast skal fram.