Danmark er aftast av øllum ES-londum, tá ið talan er um endurnýtslu av plastburturkasti frá umbúðum. Tað vísa nýggj tøl frá Eurostat fyri 2024.
Bert 22,5 prosent av hesum burturkastinum í Danmark vórðu endurnýtt í 2024. Tað er nærum 20 prosentstig undir miðaltalinum í ES.
Lettland er fremst
Stórur munur er á, hvussu nógv plastburturkast verður endurnýtt í ES-londunum.
Lettland er fremst við 71 prosentum. Síðani koma Belgia við 58,2 prosentum og Pólland við 56 prosentum.
Í hinum endanum eru Danmark við 22,5 prosentum, Finnland við 26,9 prosentum og Frakland við 27,4 prosentum.
Plastburturkastið veksur
Í 2024 komu í miðal 35,9 kilo av plastburturkasti frá umbúðum fyri hvønn íbúgva í ES. Av hesum vórðu 15,3 kilo endurnýtt.
Síðani 2014 er mongdin av plastburturkasti vaksin við 6,1 kilo fyri hvønn íbúgva.
Tilsamans komu 81,5 milliónir tons av burturkasti frá umbúðum í ES í 2024.
Hóast mongdin av plastburturkasti veksur, verður ein størri partur endurnýttur. Endurnýtslustigið í ES hækkaði úr 41,6 prosentum í 2023 til 42,4 prosent í 2024.
