Evroparáðið heitir á Danmark og fleiri onnur ES-lond um at tryggja mannarættindini, áðrenn fráferðarmiðstøðir (á donskum nevnd “udrejsecentre”)verða settar á stovn uttan fyri ES.

Í einum brævi ávarar Michael O’Flaherty, mannarættindakommisserur hjá Evroparáðnum, um, at ætlanin hevur „munandi vandar fyri mannarættindini“. Tað skrivar DR.

Evropatingið ruddaði slóðina

Ein meiriluti í Evropatinginum samtykti í juni eina nýggja afturvísingarskipan. Hon gevur ES-londum møguleika at gera avtalur við lond uttan fyri ES um at hýsa fólki, sum ikki hava rætt til friðskjól ella lógligt uppihald í Evropa.

Høvuðsmál hjá Mette Frederiksen

Mette Frederiksen, forsætisráðharri, hevur sagt, at móttøku- og fráferðarmiðstøðir uttan fyri ES verða eitt av hennara fremstu politisku málum í triðja skeiði hennara sum forsætisráðharri.

Morten Bødskov, útlendinga- og integratiónsráðharri, vísir aftur, at ætlanin fer at bróta altjóða sáttmálar.