Pride-vikan í Havn byrjaði sunnukvøldið 19. juli við einum litríkum tiltaki í Steinatúni.

Klokkan 20 fóru luttakararnir undir at mála ælabogavegin av nýggjum. LGBT+ Føroyar skipaði fyri, og øll vóru boðin at taka lut.

Fyriskipararnir høvdu máling og penslar til taks. Luttakararnir fingu eisini kaffi, te og okkurt afturvið.

Borgarstjórin tók lut

Elsa Berg, borgarstjóri í Tórshavnar kommunu, tók eisini lut í tiltakinum.

Eiler Fagraklett, fyrrverandi formaður í LGBT+ Føroyum, fegnast á Facebook um stuðulin frá borgarstjóranum og býráðsmeirilutanum.

Hann skrivar á Facebook, at tað er fantastiskt at hava ein framsøknan borgarstjóra og ein býráðsmeiriluta, sum ganga undan í arbeiðinum at gera høvuðsstaðin rúmligari.