Tíggju vitjandi úr Henning í Noregi hava verið í Eysturkommunu fyri at royna og meta um ferðavinnutilboðini í kommununi.

Vitjanin var partur av eini ferðavinnuverkætlan, sum varir í trý ár og verður stuðlað av NORA og Eysturkommunu. Endamálið er at vísa, at ferðavinnan í Eysturkommunu ikki bara snýr seg um støð og upplivingar, men eisini um fólk, søgu, mentan og gerandislív.

Nógv fyrireiking undan vitjanini

Ferðavinnuveitarar, ferðaleiðarar og starvsfólk í umsitingini høvdu fyrireikað vitjanina væl. Tey vitjandi royndu ymisk tilboð í kommununi og gjørdu síðani eftirmetingar av hvørjum einstøkum staði.

Jaligar afturmeldingar

Sambært Eysturkommunu vóru afturmeldingarnar sum heild sera jaligar. Allir luttakararnir sóu møguleikar fyri at menna ferðavinnuna í kommununi enn meira.

Tí heldur verkætlanin fram við góðum treysti.