Pílarnir peika beint uppeftir í ferðsluni hjá partafelagnum Eysturoy og Sandoyartunlar.

Í  juni var ferðslan størri, enn hon nakrantíð áður hevur verið í einum mánað. Tað vísir uppgerðin fyri juni mánað.

Miðalferðsla pr. dag. fyri Eysturoyartunlinum Eysturoy-Streymoy

Í juni koyrdu í miðal 6318 bilar um samdøgrið millum Eysturoy og Streymoy. Í juni mánað í fjør var ferðslan 5660 bilar, og ferðslan hevur ongantíð verið størri enn hon var í juni í ár. Størsta talið frammanundan var í mai í ár, tá ið tað í miðal koyrdu 6008 bilar um samdøgrið millum Eysturoy og Streymoy.

Miðal bilatalið um samdøgrið millum Strendur og Rókina var í juni í ár 1063. Størsta talið í ein mánað er í mars í ár, tá ið tað var 1066.

Miðalferðsla pr. dag. fyri Eysturoyartunlinum Strendur-Rókin

Eysturoyartunnilin hevur verið opin síðani desember 2020.

Sandoyartunnilin hevur verið opin síðani í desember 2023.

Í juni í ár koyrdu í miðal 1337 bilar um samdøgrið í Sandoyartunlinum. Hetta er fyrsta ferðin yvirhøvur, at miðaltalið er omanfyri 1300. Í juni í fjør var miðaltalið 1196. Størsta talið undan juni í ár var í juli í fjør, tá ið 1280 bilar í miðal um samdøgrið koyrdu í Sandoyartunlinum.

Miðalferðsla pr. dag. fyri Sandoyartunnilin