Innflutningurin til Føroya vaks 9,9 prosent í 12 mánaðarskeiðnum frá juni 2025 til mai 2026. Samlaða innflutningsvirðið var 11,66 milliardir krónur, vísa nýggj tøl frá Hagstovu Føroya.

Maskinur stóðu fyri størsta vøkstrinum

Størsti vøksturin var í maskinum, motorum, skipum og akførum. Innflutningsvirðið í hesum vørubólkinum vaks 578 milliónir krónur, svarandi til 23,1 prosent.

Innflutningurin av matvørum og livandi djórum vaks samstundis 281 milliónir krónur, ella 11,8 prosent. Virðið á innfluttum evnafrøðiligum tilfari vaks 130 milliónir krónur. Vøksturin stavaði serliga frá hveitigluten.

Minni nøgd av olju – hægri virði

Hóast innflutta nøgdin av brennievni minkaði við góðum 17.000 tonsum, vaks innflutningsvirðið 35 milliónir krónur.

Miðalvirðið fyri hvørt kilo var átta krónur í mai 2026, samanborið við 4,20 krónur í februar.

Innflutningurin úr Evropa uttan fyri ES vaks 132 milliónir krónur, serliga vegna djórarunna olju og serligar maskinur til ídnaðarbrúk.