Aftur í gjár mátti løgreglan upp í at reka heimleys úr einum tómum bygningi í Havn.

Heimleys hava ikki so nógva staðni at vera og tí er tað javnan komið fyri, at tey leita sær inn í tómar bygningar at vera.

Og um náttúrðatíð í gjár ringdi eitt fólk til húsavørðin á gamla Vemjingarskúlanum at boðað frá at tey sóu fólk inni á skúlanum. Húsavørðurin segði, at har átti eingin at vera tá ið bað viðkomandi ringja til løgregluna og sjálvur fór hann beint á skúlan.

Løgreglan sigur, at tað vísti seg at vera trý heimleys, sum vóru farin inn at vera. Tey høvdu einki gjørt og einki stolið, so tey vórðu bara rikin aftur á dyr.

Tey høvdu tikið eina leysa plátu, sum stóð fyri eitt vindeyga, frá og vóru farin inn tann vegin.

Av tí, at einki var hent, verður ikki meiri gjørt við málið.