Tvær føroyskar ph.d.-søgur vórðu kunngjørdar 20. mai – og báðar vísa tær, at føroysk gransking stendur sterkt á altjóða stigi.
Bjørt Óladóttir Joensen varð heiðrað við virðisløn fyri bestu DanScatt ph.d.-ritgerðina í 2026. Ritgerðin, sum varð vard á DTU farna heyst, snúði seg um CO₂-elektrolysu. Umframt heiðursskjal fekk hon 10.000 krónur.
Samstundis varð greitt frá, at Tóra Oluffa Stenberg Olsen fríggjadagin 8. mai hevði vart ph.d.-ritgerð sína í støddfrøði á Aalborg Universitet.
Heiður fyri framúr arbeiði
Bjørt legði arbeiðið fram á ársfundinum hjá DanScatt á Københavns Universitet. Sambært fyritøkuni Xnovo, sum stuðlar virðislønini, er endamálið at eggja ungum talentum at arbeiða við x-ray- og neutronvísindum. Dómsnevndin metti, at talan var um sera dygt arbeiði.
Bjørt Óladóttir Joensen.
Nýggj vitan til rættargenetikk
Ritgerðin hjá Tóru ber heitið Statistical modelling of lineage marker data in forensic genetics. Arbeiðið snýr seg um hagfrøðiliga myndlan av DNA-dátum og nýggjar hættir at meta um styrkina í DNA-samsvari í rættarligum kanningum.
Sambært upplýsingunum gevur granskingin nýggj innlit í nýtslu av dátugrunnum grundaðum á Y-kromosomið og nýggjar hættir at meta um prógvmegi í DNA-samsvari, bæði við Y-kromosomi og mitokondriu-DNA. Tóra heldur fram í post.doc.-starvi á Aalborg Universitet.
