Løgreglan fekk í gjár fleiri fráboðanir úr miðbýnum í Tórshavn, har støða hevði tikið seg upp í Steinatúni.

Sambært løgregluni vórðu fleiri persónar, sum vóru ávirkaðir av rúsdrekka, fluttir av staðnum og koyrdir til hús. Talan var serliga um fólk, sum høvdu tikið sær tilhald inni á WC-økinum í Steinatúni.

Vaktleiðarin hjá løgregluni sigur, at hetta ikki er ein óvanlig støða, og at tey javnan verða boðsend til økið fyri at taka sær av fullum fólki, sum gerast til ampa í miðbýnum.