Flogfør til Føroya seinkað í dag

Í dag er greytasvart í mjørka, og tað er tað eisini á flogvøllinum í Vágum.

Úrslitið er, at í løtuni sveima tvey flogfør hjá Atlantsflogi uppi yvir flogvøllinum, annað er komið úr Keflavík og hitt er komið úr Oslo.

Eitt flogfar hjá SAS var eisini á veg til Føroya, men tað vendi við mitt ímillum Føroyar og Hetland.

Somuleiðis er flogfarið hjá Icelandair til Føroya í dag, avlýst.